پاکستان

اسلام آباد (غلام مرتضی):آئندہ برس حج 2026ء کے دوران خدام الحجاج کے فرائض انجام دینے کے لیے اپلائی کرنے والے سرکاری ملازمین نے سلیکشن کے عمل میں مبینہ بے ضابطگیوں اور میرٹ کی خلاف ورزی پر شدید تحفظات کا اظہار کرتے ہوئے شکایات درج کرا دی ہیں۔ سرکاری ملازمین نے نیشنل ٹیسٹنگ سروس (این ٹی ایس) کے تحت ہونے والے ٹیسٹ میں مبینہ بے قاعدگیوں کے خلاف وزیرِ اعظم شکایت پورٹل پر متعدد درخواستیں جمع کرائیں۔ شکایات میں مؤقف اختیار کیا گیا ہے کہ فزیکل ٹیسٹ کے بغیر ہی میرٹ لسٹ جاری کر دی گئی، جس کے باعث نئے اور…

اسلام آباد(غلام مرتضی)وزیراعظم شہباز شریف نے پاکستان تحریکِ انصاف کو ایک مرتبہ پھر سنجیدہ مذاکرات کی دعوت دیتے ہوئے واضح کیا ہے کہ حکومت بات چیت کے دروازے بند نہیں کر رہی، تاہم غیر قانونی مطالبات اور دباؤ کی سیاست کے ساتھ کسی قسم کے مذاکرات ممکن نہیں۔ وفاقی کابینہ کے اجلاس سے خطاب کرتے ہوئے وزیراعظم نے کہا کہ حالیہ دنوں میں پی ٹی آئی اور اس کے اتحادیوں کی جانب سے مذاکرات کی باتیں سامنے آ رہی ہیں۔ اگر وہ واقعی خلوصِ نیت کے ساتھ بات چیت کے خواہاں ہیں تو حکومتِ پاکستان بھی ڈائیلاگ کے لیے پوری…

راولپنڈی(غلام مرتضی):چیف آف ڈیفنس فورسز فیلڈ مارشل سید عاصم منیر کو سعودی عرب کے سرکاری دورے کے دوران مملکت کا اعلیٰ ترین قومی اعزاز عطا کر دیا گیا، جو پاکستان اور سعودی عرب کے درمیان گہرے اور دیرینہ برادرانہ تعلقات کا مظہر ہے۔ پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل سید عاصم منیر نے دورۂ سعودی عرب کے دوران سعودی وزیر دفاع شہزادہ خالد بن سلمان بن عبدالعزیز آل سعود سے اہم ملاقات کی۔ ملاقات میں دونوں ممالک کے درمیان دفاعی تعاون، علاقائی سلامتی کی صورتحال، اسٹریٹجک شراکت داری اور بدلتے ہوئے جغرافیائی…

اسلام آباد:صدر مملکت آصف علی زرداری نے اسلام آباد ہائی کورٹ کے جج جسٹس طارق محمود جہانگیری کو عہدے سے ہٹانے کی منظوری دے دی ہے۔ ایوان صدر سے جاری ہونے والے اعلامیے کے مطابق، صدر آصف علی زرداری نے وزیراعظم شہباز شریف کی ایڈوائس پر جسٹس طارق محمود جہانگیری کو اسلام آباد ہائی کورٹ کے جج کے عہدے سے ہٹانے کا فیصلہ کیا۔ اعلامیے میں کہا گیا ہے کہ یہ ڈی نوٹیفکیشن اسلام آباد ہائی کورٹ کے فیصلے کی تعمیل میں جاری کیا گیا ہے، جس میں عدالت نے جسٹس طارق محمود جہانگیری کی بطور جج تقرری کو غیر…

راولپنڈی(غلام مرتضی):پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل سید عاصم منیر، نشانِ امتیاز (ملٹری) اور ہلالِ جرأت، چیف آف آرمی اسٹاف اور چیف آف ڈیفنس اسٹاف، اس وقت سرکاری دورے پر لیبیا میں موجود ہیں، جہاں انہوں نے لیبیائی عرب مسلح افواج کے کمانڈر ان چیف فیلڈ مارشل خلیفہ بلقاسم حفتر سے تفصیلی ملاقات کی۔ اس اہم ملاقات میں لیبیائی عرب مسلح افواج کے ڈپٹی کمانڈر ان چیف لیفٹیننٹ جنرل صدام خلیفہ حفتر بھی شریک تھے۔ دونوں ممالک کی اعلیٰ عسکری قیادت کی اس ملاقات کو دفاعی تعاون کے فروغ کے تناظر میں…

نیویارک:اقوام متحدہ کی سلامتی کونسل کے اجلاس میں پاکستان نے بھارت کے دعووں کو سختی سے مسترد کرتے ہوئے واضح کر دیا ہے کہ جموں و کشمیر نہ کبھی بھارت کا حصہ رہا ہے اور نہ ہی مستقبل میں ہو سکتا ہے۔ پاکستانی قونصلر گل قیصر سروانی نے بھارتی مندوب کے بیان پر شدید ردعمل دیتے ہوئے کہا کہ کشمیر ایک بین الاقوامی سطح پر تسلیم شدہ تنازع ہے اور اس کی حیثیت کو کسی یکطرفہ اقدام یا سیاسی بیانیے کے ذریعے تبدیل نہیں کیا جا سکتا۔ انہوں نے سلامتی کونسل کو آگاہ کیا کہ بھارت خود دہشت گردی کی…

اسلام آباد:وزیراعظم شہباز شریف نے سانحہ آرمی پبلک سکول پشاور کی گیارہویں برسی پر اپنے خصوصی پیغام میں اس عزم کا اظہار کیا ہے کہ دہشت گردی کے مکمل خاتمے کے بغیر نہ قوم کو سکون مل سکتا ہے اور نہ ہی اے پی ایس کے ننھے شہدا کو حقیقی انصاف۔ وزیراعظم نے کہا کہ قوم کا دکھ آج بھی تازہ ہے، مگر حوصلہ پہلے سے زیادہ بلند ہے، کیونکہ اس سانحے نے پوری ملت کو متحد کر دیا۔ وزیراعظم شہباز شریف نے کہا کہ 16 دسمبر 2014 کا المیہ پاکستان کی تاریخ کے بدترین حادثات میں سے ایک ہے،…

لاہور:پنجاب کے وسیع علاقوں میں سردی، خشک موسم اور گہری دھند نے معمولاتِ زندگی کو شدید متاثر کردیا ہے۔ لاہور سمیت صوبے کے مختلف شہروں میں حدِ نگاہ کم ہونے کے باعث ٹریفک کی روانی متاثر ہے جبکہ شہری بیماریوں میں اضافے کی شکایات بھی کرنے لگے ہیں۔  موٹرویز وقفے وقفے سے بند لاہور اور گرد و نواح میں دھند کی شدت کے باعث موٹرویز کے مختلف حصوں کو ٹریفک کے لیے مختلف اوقات میں بند کیا جا رہا ہے۔شدید دھند نہ صرف ٹریفک حادثات کا خطرہ بڑھا رہی ہے بلکہ صبح اور رات کے وقت سفر کرنے والے شہری…

اسلام آباد:سابق لیفٹیننٹ جنرل اور سابق ڈی جی آئی ایس آئی فیض حمید کو گزشتہ روز طویل قانونی کارروائی کے بعد 14 سال قید بامشقت کی سزا سنائے جانے کے بعد یہ سوال شدت سے اٹھ کھڑا ہوا ہے کہ اب وہ اپنی سزا کے خلاف کہاں اور کس سے درخواست کر سکتے ہیں۔ ملک کی سیاسی و عسکری فضا میں نمایاں مقام رکھنے والے اس کیس نے نہ صرف قانونی حلقوں بلکہ عوامی سطح پر بھی وسیع بحث کو جنم دیا ہے۔ سزا معافی یا اپیل  ذرائع کے مطابق فیض حمید سب سے پہلے آرمی چیف سے سزا معافی کی درخواست کر سکتے ہیں۔پاکستان آرمی…